Li battirìi a ioni di litiu su' un tipu di battirìi ca ùsanu mitaḍḍu di litiu o lighi di litiu comu matiriali di l'elittrodu pusitivu/nigativu e na suluzzioni di elittrolitu nun acquea. La prima battirìa di mitaḍḍu a litiu fu pruposta e circata di Gilbert N. Lewis ntô 1912. Nta l’anni 70, MS Whittingham prupunìu e accuminciò a fari ricerchi ncapu li battirìi a ioni di litiu. A causa dî prupità chìmichi assai riattivi dû mitaḍḍu di litiu, la so prucidura, cunservazzioni e usu ànnu bisognu di cuntrolli ammintali assai stritti. Cu lu sbiluppu dâ scienza e dâ tecnuluggìa, li batterii a litiu addivintaru principali.
Li battirìi a ioni di litiu ponnu èssiri classificati nta du' catigurìi: li battirìi a mitaḍḍu a litiu e li battirìi a ioni di litiu. Li batterii a ioni di litiu-nun cuntèninu litiu mitallicu e si ponnu ricaricari. La quinta ginirazzioni di battirìi ricaricàbbili, la battirìa di mitaḍḍu a litiu, fu sbiluppata ntô 1996 e la so sicurizza, capacità spicìfica, tassu di autuscarica e prupurzioni di prezzu su' supiriuri a li battirìi a ioni di litiu. A causa dî so riquisiti tècnici auti, sulu azzienni di quarchi paisi prudùcinu stu tipu di battirìi di mitaḍḍu a litiu.
